2. KM kamp

Oppsal 2  -  Oldenborg 2    1-3  (1-2)

Det er søndag morgon i oktober, og klokka kryp mot 08:00. Oslo søv. Med unntak av ein gjeng krigarar frå... Valle?! som har bagen pakka og et frukost. Aller siste kamp i 2014. 2. KM-kamp. Lagt til klokka 10 på morgonen. Kyrkje får vere kyrkje, vi er klare for å avslutte med siger. 

Og når vi ramlar inn i garderoben ein etter ein, merkar vi at folk er tente på å ta dette. Michael har til og med lagt inn ein knapp hundrelapp for å sleppe å bli våt før kamp, då bompengesystemet er eit par hakk meir avansert her enn i barteland. Kopperud, på si side, er nok ein gong så vidt innafor på tida, unnskyldninga denne gongen var at han visstnok hadde ein avtale om å plukke opp underteikna utanfor Bunnpris? Den blir for tynn, Kopperud.

Torstein har som vanleg gjort ein god research før hans siste kamp i Oldenborgtrøya. (As if!) Han melder om at bana er våt. Planen er klar, vi skal vinne vannkrigen. Regnet høljar ned, men vi blir enige om å gjere det beste ut av det. Klefstad er benka, sannsynlegvis er det for å få fokusert mest mogleg på bønna før kamp. Coachen har nemleg fått svigers på besøk frå Halden, og sjølv om Riskas hylande fanskare glimrar med sitt fråvær, er det klart vi vil lage litt sambafotball for dei oppmøtte.

Det blir imidlertid raskt klart at dette heller blir hawaiifotball. Det er berre surfebretta som manglar. I starten er det ikkje så gale, men etter kvart er det klart at ballen rullar så dårleg at det er lange ballar som er tingen. Riska imponerer med vipp-slå-teknikken sin. Og vi får ein draumestart på kampen. Ein lang ball i bakrom til Sinken ser ut til å gå inn til keeper, men den stoppar i ein dam. Sinken jobbar bra, og prøvar å få skutt på mål, men ballen havnar til slutt til underteikna ute til høgre. I duell med to stopparar leverer eg det som må vere ein kandidat til årets frekkaste assist, hælsparkar ballen elegant tilbake inn i midten til Sinken som faktisk ikkje kan unngå å score. 1-0.

Regnet ausar ned, og Oppsal 2 er ikkje nøgde med situasjonen, og meiner kampen bør bli stoppa, fordi forholda er for dårlege. Vi er mest interesserte i å bli ferdig med kampen, og dommaren meiner det same, så vi held fram. Oppsal 2 lar det heller gå ut over oss. Fleire unødvendige etterslengarar følgjer. Spesielt Sinken får gjennomgå. Ja, vi ropar ein del på dommaren, men det er klart vi gjer det når vi blir behandla sånn. Vi har grei kontroll, og sjølv om Oppsal 2 pressar til tider, blokkerer forsvaret vårt veldig bra.

Halvvegs ute i 2. omgong får vi corner frå høgre, og det er tydeleg at Oppsal 2 ikkje har gjort god nok research. Dei veit nemleg ikkje at det er den heitaste karen frå Stavanger som tek corneren. Ein følsom, deilig innoverskru mot fremste stolpe, Torstein pressar keeper, som fomlar ballen rett i mål. 2-0! Oppskriftsmessig.

Så raknar det i forsvaret etter ein corner, og ein blåkledd får skyte ballen i vinkelen frå 12 meter. 2-1 til pause. Pausepraten går på at vi skal fortsette å krige, og la Oppsal mase på dommaren. Alle på benken kjem inn.

Drøye ti minutt ute i andre halvdel får Oppsal straffespark, då eit skot går via handa til Michael. Straffe? Tja. Men kva gjer vel det. Vi har Tweet. Han tek både straffa og returen. Unødvendig å seie at vi har den beste keeperen i 5. divisjon! Fantastisk deilig. Oppsal får også fleire sjansar, spesielt ein der vi kan takke Tweet og ei god mengde vatn for at ballen ikkje rullar over streken.

Så skjer noko som rett og slett er trist. Emil lagar frispark når han feller ein blåkledd. Den blåkledde reagerer med å stemple Emil knallhardt i låret. Dommaren gjer det einaste rette, og dreg opp det raude kortet. Seinare blir også Emil sendt på ein ufrivillig luftetur ut på asfalten. Det blir imidlertid ingen fleire raude kort i løpet av kampen, trass i at vi blir sparka ned både her og der, og at vi gjev litt attende også.

Men - tilbake til det sportslege. Vi skulle gjerne hatt eit må til, og det er akkurat det vi får. Daniel jobba utretteleg i duellane på midten, og får takla ein ball direkte fram til Torstein i angrep. Forventingsbruset kjem frå sidelinja når det går opp for svigers at det kan bli mål i avskjedskampen. Torstein skyt. Keeper er på halvdistanse, men får såvidt slått ballen i stolpen. På streken kjem heldigvis Mikke på eit deilig langt løp og ekspederer biffen før han blir meid inn i målet. 3-1, og Torstein blir hylla som seg hør og bør.

Det heile endar 3-1. Vi krigar oss til siger i dag. Sesongen er over. Vi avsluttar med stil. Torstein gav svigers valuta for pengane, og Øystein kan dra på seg både ein og to lyskestrekkar. Over og ut!

-Anders

                                                                       Foto: Magne Staal

Kampfakta:
0-1  Sinken (Anders)
0-2  Jon
1-2  Oppsal
1-2  Straffebom Oppsal
1-2  Rødt kort Oppsal
1-3  Mikke (Torstein)

Gule kort: Sinken, Klefs, Emil, Øystein og Michael.

Startoppstilling: